បន្ទាយមានជ័យ៖ អគ្គីភ័យឆេះបំផ្លាញផ្ទះពលរដ្ឋចំនួន២ល្វែងបង្កឲ្យមានការភ្ញាក់ផ្អើលទាំងយប់ក្នុងក្រុងប៉ោយប៉ែត។ ហេតុការណ៍ នេះបានកើតឡើងនៅវេលាម៉ោង១០និង១៥នាទីយប់ថ្ងៃទី២៧ ខែតុលា ឆ្នាំ២០២១ នៅចំណុចខាងក្រោយសណ្ឋាគារ ហេង ចិន្តា ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
នគរបាលក្រុងប៉ោយប៉ែតបានប្រើប្រាស់ឡានទឹកអស់ចំនួន២គ្រឿងដើម្បីបាញ់ពន្លត់ប្រើរយៈពេលជិត០១ម៉ោង ទើបភ្លើងរលត់ទាំងស្រុងនៅវេលាម៉ោង១១យប់ ។
អគ្គីភ័យនេះមិនបង្កឲ្យមានគ្រោះថ្នាក់ដល់មនុស្សទេ ខូចខាតតែផ្ទះចំនួន០២ល្វែងនិងសម្ភារៈក្នុងផ្ទះ ខណៈដែលសមត្ថកិច្ចកំពុងស្រាវជ្រាវ រកពីមូលហេតុដែលបង្កជាអគ្គីភ័យខាងលើ៕
